تفاصيل ...من ....حلم......

[سليمان الشدوي]

قالت :
ــــــــــــــــــــــــــــــ
قالت وهي تنقش الغيمه باسامينا
......................من يرسم احلامنا؟ لو مارسمناها !
هذي الاسامي ابد ماهي بتعنينا
......................هذي تفاصيل ..من حلم ولبسناها
تعال عندي صور لعيون ماضينا
.......................وعندي لصوتك بعد غنوه تغنّاها
(يامركب الهند ابو دقلين) ودينا
.............................وانا اردد مع فيروز مغناها
(نسم علينا الهوى) من روح وادينا
................. ياهوى (احلى المنى ) عشنا وشفناها
وعندي مذاقات من سكر قصب سينا
........................ احلى من اللي قبل عامين ذقناها
هذي عصافيرنا تنشد اغانينا
..................... في هجرة احلامنا / ياكم وحشناها
وهذا شعاع القمريكبر بعينينا
......................ويعكس على التل صوره ماذرفناها
النبع /يشرب ملامحنا/ ويسقينا
..................... من ذكريات السنين/ اللي ظميناها
نختال واللوز باغصانه يخبينا
...................... مع( ورود الحنين) اللي زرعناها
يخاف من (زهرة الرمان) تغرينا
................................لأننا قبل لاتزهر وعدناها
ايامنا من شغفها في ليالينا
...................ذابت ( رسوم السنين) اللي حملناها
هيا نلم الهوى/ في ليل تشرينا
.....................ونقرب اقصى حدود الحلم لادناها
ماننشد الناس وش قال ابن زيدونا
...............................ولاروايات ولاده رويناها
(جيتم وجينا وماهلت مأقينا)
......................... وصدورنا معشبه مما سقيناها
حتى الفضاء مايشيل الا امانينا
.................... واحلامنا اللي على الوادي نثرناها
لو للمواني بحر / ماللهوى مينا
............................ولو للبدايه نهايه مانتهيناها
جاوبتها قبل لا تتعانق ايدينا
......................واشرت بالسبحه اللي قد نظمناها
يابنت لوطارت/ الغيمه باسامينا
...........................واستمطرتها ديارً ماعرفناها
من يستثير الشفق /والبحر/ والمينا؟
........................ومن يحلم احلامنا/ لو ماحلمناها؟

[خلف ضحوي]

الشاعر / سليمان الشدوي


صح الله لسانك


أبيات تقطر عذوبة ورقة


تقبل إعجابي

[مقرن بن زقيع]

صح لسانك ياسليمان

تحيتي لك

[مي]

هلابك شاعرنا كلمات جميله عذبه صح لسانك وقلبك ..

[سليمان الشدوي]

اقتباس:
المشاركة الأصلية كتبت بواسطة خلف ضحوي
الشاعر / سليمان الشدوي


صح الله لسانك


أبيات تقطر عذوبة ورقة


تقبل إعجابي




هلا وغلا
....
شاكر مرورك
....
دمت بخير

[سليمان الشدوي]

اقتباس:
المشاركة الأصلية كتبت بواسطة مقرن بن زقيع
صح لسانك ياسليمان

تحيتي لك



هلا وغلا
.........

شاكر مرورك

........
دمت بخير

[عبدالله بن فهد]

ياسلامي عليك .. صح قلبك يابعدي