رشيد الزلامي
احد الشعراء السعوديين الذين لايمكن ان نتجاهلهم
فهو بحق شاعر كبير في المحاوره وفي شعر النظم
كان الزلامي في احد دول الخليج
وكان يعمل فيها عسكري وكان سكرتير احد الضباط
لما دخل الضابط على الزلامي وهو يقرأ في مجلة وعليها صورة خادم الحرمين الشريفين
دخل الضابط مكتبه وكتب على ورقه ابيات من الشعر واعطاها للمراسل قاله عطها الزلامي
هذي ابيات الضابط :
حنا بدار دلهت صدر من ضاق = بلغ سلامي للزلامي وقله
ياعابد الصوره على بيض الاوراق = دارك عرفناها وعلتك عله
وان كان حبه محرق قلبك احراق = شد الرحال ودرب عمك تدله
دخل الزلامي على الضابط لمكتبه بعد ماشاف الابيات وفصخ البدله العسكريه
ورماها على مكتب الضابط وقاله الابيات هذي وطلع وبعد كذا رجع للسعوديه
انتم بدار دلهت صدر من ضاق = وانا اتخيل صورته مخلص له
ما تعرفونه يا رديين الاعماق = هذا الفهد ذخر الفهد في محله
اللي اذا جفت ويبسن الارياق = انته وانا ومعزبك تحت ضله
والله احبه حب مخلص ومشتاق = واحب حتى صورته في المجله
واهل الحسد ماهم على باب الارزاق = رزقي على اللي كون الكون كله
حنا سعوديين يا طاق طرباق = احرار ماعشنا بعيشة مذله
رجالنا لو هو على مكسر الساق = حب الكرامه والوفاء عادة له
لله درك من شاعر يابوجميل واطال الله في عمرك
تحياتي
Add Ur Link
حنا سعوديين ياطاق طرباق
العرض العادي
